Publikohet seti i pesë dokumenteve të politikave të zhvilluara në kuadrin e "Programit për Kërkimin mbi Politikat për Akademikët e Rinj" - (PRYA). Dokumenti përfundimtar i është dorëzuar tashmë Bashkisë së Tiranës për t'u konsideruar si një mjet shtesë për zhvillimin e proceseve të saj të krijimit të politikave. Akademia e Studimeve Politike ishte partneri zbatues i programit, duke ofruar përvojën e saj të gjatë në trajnime dhe koordinimit midis disa partnerëve dhe institucioneve të ndryshme.

Dhjetë hulumtues të rinj ishin pjesë e një programi shtatë mujor gjatë vitit 2018 për hartimin dhe kryerjen e kërkimeve të politikave të porositur nga Bashkia e Tiranës. Kërkuesit u trajnuan dhe u mentoruan nga Qendra Ndërkombëtare për Avdokimin e Politikave (ICPA), me seli në Berlin, Gjermani. Gjithashtu, kërkuesit i prezantuan studimet e tyre në panele ekspertësh, të cilët u ftuan të ofrojnë komentet dhe rekomandimet mbi draftet, me synim përmirësimin e mëtejshëm të punimeve përpara prezantimit final të tyre. Programi u mbështet nga Agjencia Zvicerane për Zhvillim dhe Bashkëpunim (SDC) dhe u zbatua nga Helvetas Swiss Intercooperation në partneritet me Universitetin e Freiburg, përmes projektit PERFORM.

Studimet mund t'i gjeni më poshtë si dhe në rubrikën Publikime:

 

• Përfshirja e grave të zonave rurale në praktikat e vendimmarrjes
• The inclusion of women from rural areas in decision-making practices

 

• Nga fermat e tyre drejt tregut - (Mos)Pjesëmarrja e prodhuesve ruralë në tregjet e bashkisë Tiranë
• From their farms to the market - How do rural producers in the municipality of Tirana (not) participate

 

• Rivitalizimi i Mozaikut të Tiranës, rëndësia e zhvillimit të turizmit kulturor në Tiranë
• Revitalization of the Mosaic of Tirana, its importance for the development of cultural tourism in Tirana

 

• Edukimi gjithëpërfshirës në shkollat e Tiranës: perceptimet mbi barrierat, dimensionet dhe perspektivat
• Inclusive education in Tirana’s middle schools: perceptions on barriers, dimensions and perspectives

 

• Menaxhimi i emergjencave civile drejt autonomisë për reagimin në rast përmbytjesh
• Management of civil emergencies towards autonomy to act in case of floods