Te rejat e Fundit
Parlamentarët vizitë në Berlin për energjinë dhe klimën
Akademia e Studimeve Politike koordinoi vizitën e një delegacioni të parlamentit shqiptar në Berlin në datat 6-9 qershor 2018. Deputetët Besnik Baraj, Edmond Panariti dhe Endri Hasa, si përfaqësues të komisionit parlamentar të Veprimtarive Prodhuese, patën mundësinë që të njihen me praktikat më të mira në Parlamentin gjerman në përkrahjen e zbatimit dhe përmirësimit të efikasitetit të energjisë dhe mbrojtjes së klimës.
Drejtorët e Shkollave nisin organizimin e Forumit Botëror për Demokraci 2018
Takimi vjetor i pranverës i drejtorëve të 21 Shkollave të Studimeve Politike të Këshillit të Evropës u zhvillua më 24-25 maj 2018 në Strazburg. Temat e diskutuara përfshinë shkëmbimin e praktikave dhe ekspertizës më të mirë ndërmjet shkollave; vlerwsimin e kurrikulës së tyre dhe si të krijohen sinergji të mëtejshme me programet e tjera të Këshillit të Evropës.
Zhvillohet kursi i dytë i Shkollës mbi lidershipin dhe përfaqësimin politik
Kursi i dytë kombëtar i Shkollës Shqiptare të Studimeve Politike me temë “Lidershipi dhe përfaqësimi politik”, u zhvillua në datat 18-20 Maj 2018 në Durrës. Nëpërmjet ekspertizës më të mirë të sjellë nga ekspertët vendas dhe ndërkombëtarë të fushës si dhe diskutimeve të hapura, pjesëmarrësit e programit patën mundësinë që të thellojnë njohuritë dhe trajnohen mbi aspekte të rëndësishme të karrierës së tyre.
Drejtuesit vendorë në kursin e dytë mbi Lidershipin
Mbi 20 kryetarë dhe drejtues të tjerë të lartë të qeverisjes vendore morrën pjesë në datat 16-18 Maj 2018 në kursin e dytë të trajnimit të "Akademisë së Lidershipit”. Sesionet e kursit kombinuan qasjen teorike me atë praktike dhe zgjidhjet për problemet e përditshme të NJQV-ve. Ushtrimet e shumta në grupe si dhe simulimet me role zgjuan interesin e duhur gjatë tri ditëve të trajnimit.
Nis trajnimi mbi kërkimin mbi politikat për akademikët e rinj
Trajnimi i parë i Programit të Kërkimit të Politikave për Akademikët e Rinj u zhvillua në Tiranë më 16-18 maj 2018. Trajnimi për 10 kërkuesit e përzgjedhur u drejtua nga Z. Eoin Young dhe Z. Ashot Khurshudyan, të dy ekspertë të Qendrës Ndërkombëtare për Advokim të Politikave (ICPA), në konsultim me PERFORM dhe Akademinë e Studimeve Politike (ASP).
Seminar informues me parlamentarët mbi Energjinë dhe Klimën
Në Kuvendin e Shqipërisë u zhvillua sot një seminar informues për deputetët dhe stafin e komisioneve parlamentarëve me qëllim rritjen e njohurive mbi zhvillimin e qëndrueshëm të energjisë dhe mbrojtjen nga ndryshimet klimatike. Aktiviteti u organizua nga Akademia e Studimeve Politike në bashkëpunim me Kuvendin me mbështetjen e GIZ dhe me partneritetin e Komunitetit të Energjisë në Vjenë.
Firmoset marrëveshja mbi programin e akademikëve të rinj
Angazhimi i bashkisë Tiranë në programin e PERFORM dhe Akademisë së Studimeve Politike u zyrtarizua më tej sot me nënshkrimin e një Marrëveshje Bashkëpunimi mes kryebashkiakut Erion Veliaj dhe menaxherit të projektit Martin Dietz. Falë këtij partneriteti synohet të krijohet një grup kërkuesish të rinj, të cilët do të ndihmojnë Bashkinë e Tiranës në hartimin e politikave të saj
ASP nis programin për edukimin kundër ekstremizmit të dhunshëm
Akademia e Studimeve Politike ka nisur zbatimin e një projekt të ri pilot për edukimin e të rinjve dhe komuniteteve për të qënë të aftë të rezistojnë ndaj ekstremizmit të dhunshëm. Kjo ndërhyrje bazohet mbi eksperiencën e gjatë në edukimin qytetar të të rinjve në bashkëpunim me Ministrinë e Arsimit si dhe falë ekspertizës më të mirë të ofruar nga partneriteti me Këshillin e Evropës.
Dorëzohen rekomandimet e ASP mbi reformën zgjedhore
Akademia e Studimeve Politike dorëzoi zyrtarisht rekomandimet e saj pranë Komisionit të Posaçëm Parlamentar për Reformën Zgjedhore me qëllim përmirësimin e procesit të administrimit zgjedhor. Këto rekomandime bazohen mbi eksperiencën disavjeçare të ASP në zbatimin e programit të edukimit të votuesve të rinj
Hapet thirrja për aplikime për kërkuesit e rinj akademikë
PERFORM në bashkëpunim me Akademinë e Studimeve Politike (ASP) shpall thirrjen për aplikime në programin “Mbështetje për kërkimin mbi politikat për akademikët e rinj”, dedikuar për hulumtuesit e rinj nga bota akademike. Deri në 10 kërkues do të trajnohen dhe mbështeten financiarisht për të hulumtuar mbi politika me interes për t’u zbatuar nga Bashkia e Tiranës.
